മസ്റ്ററിങ്ങ് നടത്തിയില്ലെങ്കിൽ ഏപ്രിൽ മുതൽ റേഷൻ മുടങ്ങും

         കാഞ്ഞങ്ങാട്: എൻ. എഫ് എസ്.ഏ ആക്ടിൻ്റെ പരിധിയിൽ വരുന്ന മുൻഗണന. എ.എ വൈ റേഷൻ കാർഡിൽ ഉൾപ്പെട്ട  മുഴുവൻ അംഗങ്ങളും അവർ

അർഹരാണെന്നും ജീവിച്ചിരിപ്പുണ്ടെന്നും തെളിയിക്കുന്ന മസ്റ്ററിങ്ങ് (ഇ കെ വൈസി അപ്ഡേഷൻ) നടത്തണമെന്ന് അധികൃതർ നിർദേശിച്ചു.15 നുള്ളിൽ മസ്റ്ററിങ്ങ് പൂർത്തിയാക്കാനാണ് നിർദേശം. . അല്ലാത്തവർക്ക് ഏപ്രിൽ മാസം മുതൽ റേഷൻ കടകളിൽ നിന്നുള്ള സൗജന്യ ഭക്ഷ്യധാന്യങ്ങൾ  മുടങ്ങാനിടയുണ്ട്. ഇതെ തുടർന്ന് വെള്ളരിക്കുണ്ട് താലൂക്കിലെ  മുൻഗണന, ഏഏവൈ കാർഡുകളിൽ ഉൾപ്പെട്ട മുഴുവൻ അംഗങ്ങളും  ഇന്ന് മുതൽ തന്നെ  റേഷൻ കടകളിലൂടെയും , ക്യാമ്പുകളിലൂടെയും ഇ-പോസ് മെഷിൻ വഴി ഇ കെ വൈസി അപ്ഡേഷൻ പൂർത്തീ കരിക്കണം. റേഷൻ കാർഡ്, ആധാർ കാർഡ് എന്നിവ  

കൊണ്ടു പോകണം.

വെള്ളരിക്കുണ്ട് താലൂക്കിൽ 9471 ഏഏവൈ കാർഡുകളിലും 15252 മുൻഗണന കാർഡുകളിലുമായുമുള്ള  90325 അംഗങ്ങൾ മസ്റ്ററിങ്ങ് നടത്തേണമെന്ന് താലൂക്ക് സപ്ലൈ ഓഫിസർ ടി.സി സജിവൻ അറിയിച്ചു.