വൻ മണൽ വേട്ട: ഫൈബർ വളളവും 300 ചാക്ക് പൂഴികളും പിടികൂടി 15 പേർ രക്ഷപ്പെട്ടു

കാഞ്ഞങ്ങാട് :വൻ മണൽ വേട്ട നടത്തി പൊലീസ് ഫൈബർ 

വളളവും 300 ചാക്ക് പൂഴികളും പിടികൂടി. 15 പേർ പൊലീസ് പിടിയിൽ നിന്നും രക്ഷപ്പെട്ടു.

ബേക്കൽ അഴിമുഖത്തുനിന്ന് അനധികൃതമായി മണൽ കടത്തുന്നതിനിടെ ബേക്കൽ പൊലീസ് ആണ് ഫൈബർ വള്ളം പിടികൂടിയത്.

300 ഓളം നിറച്ചു വെച്ച പൂഴി ചാക്കുകൾ കടത്താൻ തയ്യാറാക്കി വെച്ച നിലയിൽ കണ്ടെത്തുകയായിരുന്നു. ഇത്തരം അനധികൃത മണൽ ഖനനം പല പാരിസ്ഥിതിക പ്രശനങ്ങളും ഉണ്ടാക്കുന്നതും സർക്കാർ മുതലുകൾ കളവുനടത്തുന്ന കുറ്റം കൂടെയാണെന്ന് പൊലീസ് പറഞ്ഞു . അന്യ സംസ്ഥാന തൊഴിലാളികൾ അടക്കം 15 ഓളം പേർ പൊലീസിന്റെ സാനിധ്യം മനസിലാക്കി രക്ഷപെടുകയായിരുന്നു.

ജില്ലാ പൊലീസ് മേധാവി ബി.വി. വിജയ ഭരത് റെഡ്ഡിയുടെ നിർദ്ദേശ പ്രകാരം ബേക്കൽ ഡിവൈഎസ്പി വി . വി . മനോജിന്റെ മേൽനോട്ടത്തിൽ ബേക്കൽ ഇൻസ്‌പെക്ടർ എം.വി. ശ്രീദാസ് , എസ് ഐ  സവ്യസാചി , അഖിൽ, സിവിൽ പൊലീസ് ഓഫീസർമാരായ ഇൽസാദ്, സജേഷ് എന്നിവർ ചേർന്നാണ് മണൽകടത്ത് പിടികൂടിയത്.