ഓപിയം മയക്കുമരുന്നുമായി പിടിയിലായ യുവാവിന് രണ്ട് വർഷം കഠിന തടവും പിഴയും

കാസർകോട്:ഓപിയം മയക്കുമരുന്നുമായി പിടിയിലായ യുവാവിന് രണ്ട് വർഷം കഠിന തടവിനും 20000 രൂപ പിഴയടക്കാനും ശിക്ഷിച്ച് കോടതി.

79.3 ഗ്രാം ഓപിയം എന്ന മയക്ക്മരുന്ന് വില്പനക്കായി കൈവശം വെച്ച ക. പ്രതി മുട്ടത്തൊടി എറത്തും കടവിലെ കെ.എം. സെയ്ദ് ഫാഹിസിനെയാണ് കാസർകോട് അഡി. സെഷൻസ് 2  ജഡ്ജ് കെ. പ്രിയ ശിക്ഷിച്ചത്.

 വിദ്യാനഗർ പൊലീസ് സബ് ഇൻസ്പകടറായിരുന്ന സന്തോഷ് കുമാർ  ആണ് മയക്കുമരുന്ന് പിടികൂടി പ്രതിയെ അറസ്റ്റു ചെയ്തത്. 

 കാസർകോട് പൊലീസ്  ഇൻസ്പക്ടറായിരുന്ന അബദുൾ റഹിം  ആണ് കേസിൽ ആദ്യാന്വേഷണം നടത്തിയത്. കേസന്വേഷണം പൂർത്തീകരിച്ച് കോടതിയിൽ കുറ്റപത്രം സമർപ്പിച്ചത് വിദ്യാനഗർ പൊലീസ്  ഇൻസ്പകടറായിരുന്ന വി. വി. മനോജുമാണ്. പ്രോസിക്യൂഷന് വേണ്ടി അഡീഷണൽ ഗവ:പ്ലീഡർ ചന്ദ്രമോഹൻ , അഡ്വ. ചിത്രകല എന്നിവർ ഹാജരായി.