വീട് കുത്തി തുറന്ന് പണവും സ്വർണവും കവർന്ന കേസിലെ പ്രതി കാഞ്ഞങ്ങാട്ട് അറസ്റ്റിൽ

കാഞ്ഞങ്ങാട് : കല്ലൂരാവി പുഞ്ചാവിയിൽ ഇരുനില

വീട് കുത്തി തുറന്ന് പണവും സ്വർണഭരണവും കവർന്ന കേസിലെ

 പ്രതി കാഞ്ഞങ്ങാട്ട് അറസ്റ്റിലായി. പുല്ലൂർ തടത്തിൽ താമസിക്കുന്ന വയനാട് വെള്ളമുണ്ട സ്വദേശി

മുഹമ്മദ്‌ അഫ്സൽ 35 ആണ് പിടിയിലായത്. കഴിഞ്ഞ 26 ന് ആയിരുന്നു മോഷണം.

പുഞ്ചാവിയിലെ പറമ്മല എ. റഹ്മത്തിൻ്റെ വീട്ടിൽ കവർച്ച നടത്തിയ പ്രതിയാണ്. വീടിൻ്റെ മുകൾ നിലയിലെ വാതിൽ കുത്തി തുറന്ന മോഷ്ടാക്കൾ കിടപ്പ് മുറിയുടെ വാതിൽ തകർക്കുകയായിരുന്നു. ഒരു പവൻ ആഭരണവും അര ലക്ഷം രൂപയും കിടപ്പ് മുറിയിലെ ഷെൽഫിൽ നിന്നും കവരുകയായിരുന്നു.  രാത്രി 11 മണിക്ക് ശേഷമാണ് കവർച്ച നടന്നതെന്ന് കരുതുന്നു. ഹോസ്ദുർഗ് പൊലീസ് ഇൻസ്പെക്ടർ പി. അജിത് കുമാറിൻ്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്.