ഉച്ചഭക്ഷണം കഴിക്കാൻ സ്കൂളിൽ നിന്നും പോയ നാല് കുട്ടികളെ കൂട്ടത്തോടെ കാണാതായി പരിഭ്രാന്തിക്കൊടുവിൽ ഷൊർണ്ണൂരിൽ കണ്ടെത്തി

കാഞ്ഞങ്ങാട് :ഉച്ചഭക്ഷണം കഴിക്കാൻ സ്കൂളിൽ നിന്നും വീട്ടിലേക്ക് പോയ നാല് കുട്ടികളെ കൂട്ടത്തോടെ കാണാതായി. പകൽ മുഴുവൻ നീണ്ട പരിഭ്രാന്തിക്കൊടുവിൽ രാത്രി

വൈകി കുട്ടികളെ നാല് പേരെയും

ഷൊർണ്ണൂരിൽ കണ്ടെത്തി. ചെറുവത്തൂർ ഭാഗത്തെ നാല് കുട്ടികളെയാണ് കാണാതായത്. ഇന്നലെ ഉച്ചഭക്ഷണം കഴിക്കാൻ സ്കൂളിൽ നിന്നും വീട്ടിലേക്ക് പോയ ശേഷം കാണാതാവുകയായിരുന്നു. 8, 9 ക്ലാസുകളിൽ പഠിക്കുന്ന 13, 14 വയസ് പ്രായക്കാരെയാണ് കാണാതായത്. രക്ഷിതാക്കളുടെ പരാതിയിൽ ചന്തേര പൊലീസ് കേസെടുത്തിരുന്നു. അന്വേഷിക്കുന്നതിനിടെ നാല് കുട്ടികളെയും ഷൊർണ്ണൂർ റെയിൽവെ സ്റ്റേഷനിൽ നിന്നും റെയിൽവെ പൊലീസ് കണ്ടെത്തുകയായിരുന്നു. കുട്ടികൾ ഷൊർണ്ണൂരിൽ ട്രെയിൻ ഇറങ്ങിയതായിരുന്നു. കുട്ടികളെ ചന്തേരയിൽ എത്തിച്ചു.