മെഡിക്കൽ കോളേജിൽ ചികിൽസയിൽ കഴിഞ്ഞ ആൾ മരിച്ചു, മൃതദേഹം ഏറ്റെടുക്കാൻ ബന്ധുക്കൾ തയാറായില്ല

കാസർകോട്:മെഡിക്കൽ കോളേജിൽ ചികിൽസയിൽ കഴിഞ്ഞ ആൾമരിച്ചു. മരണ വിവരം പൊലീസ് വഴി രക്ത ബന്ധുക്കളെ അറിയിച്ചെങ്കിലും മൃതദേഹം ഏറ്റെടുക്കാൻ ആരും തയാറല്ല. ഇതേ തുടർന്ന് കേസെടുത്ത പൊലീസ് തുടർനടപടികൾ ആരംഭിച്ചു.

 ആദൂർ പൊലീസ് സ്റ്റേഷൻ പരിധിയിൽ മുള്ളേരിയ വട്ടം തട്ട കുണ്ടൂച്ചി പത്രോസിൻ്റെ മകൻ കെ.പി. ദേവസ്യ 59 യാണ് മരിച്ചത്.

22 ന് രാവിലെ 7.20 ന് കണ്ണൂർ പരിയാരം മെഡിക്കൽ കോളേജിൽ മരിച്ചു . ആശുപത്രിയിൽ നിന്നും ഇത് സംബന്ധിച്ച് ഇൻ്റിമേഷൻ ആദൂർ പൊലീസിൽ ലഭിച്ചു. തുടർന്ന് പൊലീസ് രക്ത ബന്ധുക്കളെ ഫോൺ വഴി വിവരം അറിയിച്ചെങ്കിലും മൃതദേഹം ഏറ്റെടുക്കാൻ തയാറായില്ലെന്ന് പൊലീസ് പറഞ്ഞു.

തുടർന്ന് എസ്. ഐ കെ. ശരത്ത് പരാതിക്കാരനായി പൊലീസ് കേസ് റജിസ്ട്രർ ചെയ്തു. തുടർ നടപടികൾ ആരംഭിച്ചു.