പിലാത്തറ-പാപ്പിനിശ്ശേരി കെ.എസ്.ടി.പി റോഡില് മണ്ടൂര് പള്ളിക്ക് മുന്വശം ഇന്ന് പുലര്ച്ചെയുണ്ടായ ദാരുണ വാഹനാപകടത്തില് ആണ് മരണം.
ഷെബിന് നാല് ദിവസം മുമ്പ് മാത്രമാണ് ജോലിക്കെത്തിയത്.
റോഡരികില് തകരാറിലായി നിര്ത്തിയിട്ടിരുന്ന തടികയറ്റിയ ലോറിയില് നിയന്ത്രണം വിട്ടെത്തിയ സിമന്റ് ബള്ക്കര് ഇടിക്കുകയായിരുന്നു. ഇടിയുടെ ആഘാതത്തില് രണ്ട് ലോറികളും തീ പിടിച്ച് പൂര്ണമായും കത്തിനശിച്ചു.
തടികയറ്റിയ ലോറി തകരാര് സംഭവിച്ചതിനെ തുടര്ന്ന് കഴിഞ്ഞ രണ്ട് ദിവസമായി റോഡരികില് നിര്ത്തിയിട്ടിരിക്കുകയായിരുന്നു.
ഇന്ന് പുലര്ച്ചെ ഭാരത് ബെന്സിന്റെ മെക്കാനിക്കുമാര് വാഹനത്തിന്റെ തകരാര് പരിഹരിക്കുന്നതിനുള്ള ശ്രമങ്ങള് നടത്തുന്നതിനിടെയാണ് അപകടമുണ്ടായത്.
50 ടൺ സിമന്റ് കയറ്റിവന്ന കോൺക്രീറ്റ് സിമന്റ് ബൾക്കർ നിയന്ത്രണം വിട്ട് തടിലോറിയിൽ ഇടിക്കുകയായിരുന്നു.
ഇടിയുടെ ആഘാതത്തിൽ സമീപത്തുണ്ടായിരുന്ന മുഹമ്മദ് ഷെബിൻ റോഡിലേക്ക് തെറിച്ചുവീണു. ഗുരുതരമായി പരിക്കേറ്റ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ലോറിയിൽ കുടുങ്ങിക്കിടന്ന എബനൈസർ ആന്റോയുടെ മൃതദേഹം തീപിടുത്തത്തിൽ കത്തിക്കരിഞ്ഞ നിലയിലായിരുന്നു. അപകടത്തിന്റെ ആഘാതത്തിൽ സമീപത്തുണ്ടായിരുന്ന ഒരു കാറിന് മുകളിലേക്ക് മരം വീണതിനെ തുടർന്ന് കാറിനും കേടുപാടുകൾ സംഭവിച്ചു. പയ്യന്നൂര് ഫയര് ആന്ഡ് റെസ്ക്യൂ സ്റ്റേഷനില് നിന്ന് സ്റ്റേഷന് ഓഫീസര് സി.പി. രാജേഷിന്റെ നേതൃത്വത്തില് ഫയര്ഫോഴ്സ് സംഘം സ്ഥലത്തെത്തി. പരിയാരം പൊലീസ് കേസെടുത്തു.
0 Comments