പാവപ്പെട്ടവരെ സഹായിക്കുന്നുണ്ടെന്ന് പരസ്യം കണ്ട് ആവശ്യപ്പെട്ട ആൾക്ക് '10 ലക്ഷം രൂപ അയച്ചു കൊടുത്തു' പിന്നാലെ ഒരു ലക്ഷത്തിലേറെ രൂപ പോയി

കാസർകോട്:പാവപ്പെട്ടവരെ സഹായിക്കുന്നുണ്ടെന്ന പരസ്യം കണ്ട് സഹായം ആവശ്യപ്പെട്ട ആൾക്ക് '10 ലക്ഷം രൂപ അയച്ചു കൊടുത്തു'. വിദേശ നാണയം ഇന്ത്യൻ രൂപയിലേക്ക് മാറാൻ  ഒരു ലക്ഷത്തിലേറെ രൂപ അക്കൗണ്ട് വഴി അയച്ചു കൊടുത്ത ആൾക്ക് പണം പോയി.

വിദ്യാനഗർ പൊലീസ് സ്റ്റേഷൻ പരിധിയിലെ മുട്ടതോടി തെക്കേ മൂല മിനി എസ്റ്റേറ്റിലെ അബ്ദുൾ ഖാദറിനാണ് 60 സഹായം അഭ്യർത്ഥിച്ചത് വഴി 113150 രൂപ പോയി കിട്ടിയത്.

പാവപ്പെട്ടവരെ സഹായിക്കുന്നുണ്ടെന്ന പരസ്യം കണ്ടപരാതിക്കാരൻ സഹായം ആവശ്യപ്പെട്ടു. പിന്നാലെ 10 ലക്ഷം രൂപ നിങ്ങളുടെ അക്കൗണ്ടിലേക്ക് അയച്ചിട്ടുണ്ടെന്ന സന്ദേശം ലഭിച്ചു. ഈ തുക ഇന്ത്യൻ രൂപയിലേക്ക് മാറ്റാൻ 8000 രൂപ അയച്ച് കൊടുക്കണമെന്ന് പറഞ്ഞു.

തുടർന്ന് പല തവണകളായി ഒരു ലക്ഷത്തിലേറെ രൂപ അയപ്പിച്ച് തട്ടിയെടുക്കുകയായിരുന്നു.

എന്തായാലും വിദ്യാനഗർ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.