കാസർകോട് ഗവ. ജനറൽ ആശുപത്രിക്ക് നേരെ അക്രമം കാഷ്വാലിറ്റിയുടെ ജനാല ചില്ല് തകർത്തു.

കാസർകോട്:കാസർകോട് ഗവ. ജനറൽ ആശുപത്രിക്ക് നേരെ അക്രമം. കാഷ്വാലിറ്റിയുടെ ജനാല ചില്ലും ട്രാഫിക് കോണും അടിച്ച് തകർത്തു.

കഴിഞ്ഞ ദിവസം ഉച്ചക്കാണ് സംഭവം.

അക്രമവുമായി ബന്ധപെട്ട് ഒരാൾക്കെതിരെ കാസർകോട് പൊലീസ് കേസെടുത്തു.

നഴ്സുമാരെയും സെക്യൂരിറ്റി ജീവനക്കാരെയും ഭീഷണിപ്പെടുത്തുകയും കല്ല് ഉപയോഗിച്ച് ആശുപത്രിക്ക് നേരെ അക്രമം നടത്തി പതിനായിരം രൂപയുടെ നഷ്ടം വരുത്തിയെന്നാണ് പരാതി.

ആശുപത്രി സൂപ്രണ്ട് വി.ജിതേഷിൻ്റെ പരാതിയിൽ ഷെരീഫ് എന്ന ആൾക്കെതിരെയാണ് കേസ്.